गृहमन्त्री लेखकले लिए विपद् पूर्वतयारीबारे बिफ्रिङ

काठमाडौँ। गृहमन्त्री रमेश लेखकले सशस्त्र प्रहरी बलको प्रधान कार्यालय, हल्चोक पुगेर विपद् व्यवस्थापनको पूर्वतयारीबारे ब्रिफिङ लिएका छन् ।

अन्य वर्षभन्दा एक साताअघि मनसुन भित्रिएका बेला उत्पन्न हुनसक्ने परिस्थितिलाई ध्यानमा राखेर गृहमन्त्री लेखक हल्चोक पुगेको मन्त्रालयका शान्ति, सुरक्षा महाशाखाले जनाएको छ ।

सशस्त्र प्रहरीका अनुसार विगतका कमी कमजोरीबारे समेत छलफल गरेर यसपालि कुनै चुक हुन नदिने गरी तयारी गर्ने विषयमा छलफल भएको छ ।  सशस्त्र प्रहरी प्रधान कार्यालयमा गृहमन्त्री लेखकसहित भएको कार्यक्रममा नेपाल प्रहरीका प्रमुख आइजिपी दिपक थापा पनि थिए । 

गत वर्ष विपद्का प्रतिकार्यमा काठमाडौँ उपत्यकामै समेत गृह प्रशासनको कमजोरी देखिएको थियो ।