एजेन्सी । इन्डियन प्रिमियर लिग (आईपीएल) को दोस्रो क्वालिफायरमा आज आइतबार पन्जाब किंग्स र मुम्बई इन्डियन्स भिड्दैछन्।
अहमदावादस्थित नरेन्द्र मोदी स्टेडियममा हुने खेल राति पौने ८ बजे सुरु हुनेछ।
यो खेलको विजेता उपाधिका लागि रोयल च्यालेन्जर्स बैग्लुरुसँग भिड्नेछ। उपाधि भिडन्त पर्सि मंगलबार राति हुनेछ। पराजित हुने टोली उपाधि दौडबाट बाहिरिनेछ।
लिग चरणमा पञ्जावले अंक तालिकाको शीर्ष स्थानमा रहँदै पहिलो क्वालिफायर खेलेको थियो। मुम्बइ भने चौथो स्थानमा रहेर एलिमिनेटर खेल खेलेको थियो।
पहिलो क्वालिफायरमा बैग्लुरुसँग ८ विकेटले पराजित भएको पञ्जावले दोस्रो क्वालिफायर खेल्न लागेको हो।फाइनल खेल्न दोस्रो मौका पाएको पञ्जाव आजको खेलमा मुम्बईविरुद्ध जित निकाल्दै फाइनल खेल्न चाहन्छ।
उता एलिमिनेटर खेलमा गुजरात टाइटन्सलाई २० रनले हराएको मुम्बई पनि पञ्वावसँगको उपाधि भिडन्त पक्का गर्न चाहन्छ।
लिग चरणको खेलमा पञ्जावले मुम्बईलाई ७ विकेटले हराएको थियो। दोस्रो क्वालिफायरमा पनि पञ्जाव सोही नतिजालाई निरन्तरता दिने योजनामा हुनेछ। पञ्जाव श्रेयस ऐरको कप्तानीमा मैदान उत्रनेछ। मुम्बईको कमानी हार्दिक पाण्ड्याले सम्हाल्नेछन्।
पाँच पटकको च्याम्पियन मुम्बई छैटौँ पटक उपाधि नजिक पुग्न पञ्जावलाई हराउने रणनीतिमा हुनेछ।
प्रतिक्रिया दिनुहोस
एजेन्सी
आइतबार, १८ जेठ २०८२, ०६ : ५३
लेखकबाट थप
सम्बन्धित समाचारहरु
गुजरातलाई हराउँदै बेंगलुरु लगातार दोस्रो पटक आईपीएल च्याम्पियन
आईपीएल फाइनलमा आज : आरसिबी र गुजरातको भिड्दै : कसले मार्ला बाजी ?
आईपीएल : शुभमन चम्किँदा गुजरात फाइनलमा, उपाधिका लागि बैंगलुरुसँग खेल्ने
आईपीएल : हैदरावादलाई हराउँदै राजस्थान दोस्रो क्वालिफायरमा
आईपीएलको लिग चरण समाप्त: क्वालिफायरमा आरसीबी र गुजरात भिड्ने
आईपीएलः रोमाञ्चक भिडन्तमा दिल्ली विजयी, राजस्थान पाँच विकेटले पराजित