कर्णेल सोफिया कुरेशीविरुद्ध टिप्पणी गर्ने मन्त्रीले मागे माफी

एजेन्सी । मध्य प्रदेश सरकारका मन्त्री विजय शाहले कर्णेल सोफिया कुरेशी विरुद्ध गरेको टिप्पणीको लागि माफी मागेका छन्।

आदिवासी मामिला मन्त्री विजय शाहले भने, "मेरो हालैको अभिव्यक्तिले हरेक समुदायको भावनामा चोट पुर्‍याएको छु। त्यसको लागि म हृदयदेखि नै लज्जित र दुःखी मात्र छैन, माफी पनि माग्न चाहन्छु।"

हालै, कर्नेल कुरेशी भारतीय सेनाद्वारा सञ्चालित 'अपरेशन सिन्दूर' बारे विंग कमाण्डर व्योमिका सिंह र भारतीय विदेश सचिव विक्रम मिश्रीसँग पत्रकार सम्मेलनमा साथै आएकी थिइन्।

विजय शाहले सोफिया कुरेशीलाई देशकी बहिनीको रूपमा वर्णन गर्दै भने, “उनले राष्ट्रप्रतिको कर्तव्य निर्वाह गर्दै जात र समाजभन्दा माथि उठेर काम गरेकी छिन्।”

उनले भने, "उनी हाम्री बहिनीभन्दा पनि बढी सम्मानित छिन्।" विजय शाहले भने, "हालैको भाषणमा मेरो इच्छा र उद्देश्य कर्नल सोफियाका शब्दहरूलाई समाजमा उचित तरिकाले अगाडि बढाउनु थियो, तर 'दुःखी र विचलित मन' का कारण मेरो मुखबाट केही गलत शब्दहरू निस्किए।"

"आज म आफैंप्रति लज्जित छु। म सम्पूर्ण समाज र समुदायसँग माफी माग्छु। म सधैं बहिनी सोफिया र देशको सम्माननीय सेनालाई सम्मान गर्छु र आज हात जोडेर, म मेरो हृदयको गहिराइबाट सबैसँग माफी माग्छु।"

बुधबार मध्य प्रदेश उच्च अदालतले विजय शाह विरुद्ध एफआईआर दर्ता गर्न आदेश दिएको छ।