एमालेले के माओवादी फकाउन खोज्दैछ ? यी तीन घट्ना, जसले तरंगित बनाउँदैछ राजनीति

काठमाडौं । तिखो आलोचना र झण्डै झण्डै पानी बाराबारकै अवस्थामा रहेका दुई कम्युनिष्ट पार्टीका शीर्ष नेताहरुको तीन दिन यताको भेटघाट समाचारका खास खबर बनिरहेका छन् ।

आइतबार प्रधानमन्त्री तथा मन्त्रीपरिषद्को कार्यालय सिंहदरबारमा प्रधानमन्त्री केपी ओली, माओवादी अध्यक्ष प्रचण्ड, माओवादी उपमहासचिव वर्षमान पुन (अनन्त) र प्रधानमन्त्रीका विज्ञ सल्लाहकार अग्नि खरेलका बीचमा सम्वाद भएपछि नेपालको राजनीतिमा एकाएक संसय फैलिएको छ ।

कतै टिआरसीको छलफलबाट नयाँ सत्ता गठबन्धनको होमवर्क हुन पो लागेको हो की भन्ने गरी सनसनी फैलिरहेको छ । सितिमिति आफनो कुर्सीलाई बढी महत्व दिने ओली त्यसदिन विपक्षी दलका नेता प्रचण्डको छेउमै कुर्सीबाट उठेर अर्काे कुर्सी राखेर बसेका छन् । ओलीले प्रचण्डलाई महत्व दिएको र कुर्सी नै छेउमा सारेर बसेको भन्दै नयाँ समिकरणको कोसिस भइरहेको चर्चा सञ्चारमाध्यममा गराईएको छ ।

वर्षमान पुनसहित आइतबार ओली प्रचण्डको भेट हुनु र आज विष्णु पौडेल खुमलटार पुगेर प्रचण्ड भेटनुभित्र नयाँ समिकरणको रिहर्सल शुरु भएको टिप्पणी राजनीतिक वृत्तमा छ । तर त्यस्तो केही नरहेको र एमालेले माओवादी नेताहरुसँग भेटघाट बाक्लो देखाएर कांग्रेससङ्ग केही नियुक्तिहरुमा बार्गेनिङ मात्र गर्न खोजेको माओवादी नेताहरुले बताएका छन् ।

सत्ता गठबन्धनमा रहेका कांग्रेस र एमालेका बीचमा गर्भनर नियुक्ति पेचिलो बनिरहेका बेला प्रधानमन्त्रीले विपक्षी दलका नेता प्रचण्डलाई बोलाएर भेट गरेपछि राजनीति तरंगित बनेको हो । त्यसमाथी वर्षमान पुनसहितका नेता बसेर छलफल भएपछि केही सञ्चारमाध्यमले नयाँ समिकरणको लेखाजोखा समेत गरेका छन् ।

प्रचण्ड प्रधानमन्त्रीबाट हट्ने बेला पनि प्रमुख तीन दल कांग्रेस, एमाले र माओवादीका शीर्ष नेताहरुका बीचमा यस्तै खालको छलफल भएको थियो । एकले अर्काे दललाई इन्गेज गराईराख्ने र अर्काे छिर्के दाउ हान्ने गरेको त्यसबेलाको राजनीतिसँग अहिले पनि कतिपयले तुलना गर्न थालेका छन् ।

प्रधानमन्त्री ओलीले शनिबार यता लगातार बालुवाटारमा कांग्रेस सभापति शेरबहादुर देउवासँग सम्वाद गर्ने र अर्काेतिर विपक्षी दलका नेता तथा ओली सरकार निर्माण भएयता निक्कै तिखो आलोचना गदैं आईरहेका माओवादी अध्यक्ष प्रचण्डसँग पनि उस्तै पेरिफेरिको भेट बाक्लो बनाउनुलाई अर्थपूर्ण मानिएको छ ।

खासमा आइतबार ओली र प्रचण्डका बीचमा संक्रमणकालिन न्याय टुंगो लगाउन बनाउने आयोगका विषयमा छलफल थियो । त्यसलाई सञ्चारमाध्यमले नयाँ समिकरणको आशंका ब्यक्त गरे । सोही आशंकाकै बीच काङ्ग्रेस नेता शेखर कोइरालाले ओलीले देउवालाई प्रधानमन्त्री छोडदैनन् सम्म भन्न भ्याईसके ।

ओली र प्रचण्ड बीच द्रोस्रो दिनमा भएको संसदको भेटले र कानेखुसीले झन् राजनीति तथ तरंगित बनाएको छ । संसदमा नीति तथा कार्यक्रममा विपक्षी दलका नेता प्रचण्डले सम्वोधन गर्ने कार्यक्रम थियो । संसदभित्र ओली र प्रचण्डका बीचमा कानेखुसी चल्यो । खासमा त्यहाँ ओलीले प्रचण्डलाई तपाई आफनो कुरा राख्दै गर्नुस्, म केही समय बाहिर निस्केर बोल्दैगर्दा आईपुगिहाल्छु मात्र भनेका थिए । त्यही खासखुसले पनि राजनीति अर्काे तरंगित बनायो ।

तेस्रो त झन् आज उपप्रधान तथा अर्थमन्त्री विष्णु पौडेल प्रचण्ड निवास खुमलटार पुगेको प्रसंगले । अर्थमन्त्री पौडेल नयाँ बजेटमा विपक्षी दलको सुझाव लिन खुमलटार पुगेका थिए । यसले पनि थप राजनीतिलाई तरंगित बनाएको छ ।

वर्षमान पुनसहित आइतबार ओली प्रचण्डको भेट हुनु र आज विष्णु पौडेल खुमलटार पुगेर प्रचण्ड भेटनुभित्र नयाँ समिकरणको रिहर्सल शुरु भएको टिप्पणी राजनीतिक वृत्तमा छ । तर त्यस्तो केही नरहेको र एमालेले माओवादी नेताहरुसँग भेटघाट बाक्लो देखाएर कांग्रेससङ्ग केही नियुक्तिहरुमा बार्गेनिङ मात्र गर्न खोजेको माओवादी नेताहरुले बताएका छन् ।