गृहमन्त्रीले भेटे कोटेश्वरमा प्रहरीको गोली लागेकी रेविकालाई

काठमाडौँ । गत चैत १५ गतेको राजावादी आन्दोलनका क्रममा प्रहरीको गोली लागेर गम्भीर घाइते भएकी रेविका खत्रीलाई गृहमन्त्री रमेश लेखकले अस्पताल पुगेर उनलाई भेटेका छन् । 

रवीकाको अवस्थामा सुधार आएको छ । उनलाई हिजो आईसीयूबाट क्याबिनमा सारिएको दिदी अनिताले जानकारी दिइन् ।

कोटेश्वर भाटभटेनी नजिकै रहेको डेरामा जान लाग्दा रेविकालाई गोली लागेको थियो । गोलीले तिघ्रा वारपार भएपछि सडकमा पछारिएकी उनलाई सुरुमा भेन्टिलेटर र त्यसपछि आईसीयूमा राखेर उपचार गरिएको हो ।

रेविकाका दाइ (काकाको छोरा) दिनेशलाई पनि एकै पटक गोली लागेको थियो ।