म्यानमारमा बेमौसमी वर्षा : उद्धार कार्यमा वाधा

यङ्गुन ।  भूकम्प प्रभावित म्यानमारमा वर्षातका कारण पीडितहरूको उद्धार चुनौतीपूर्ण बनेको छ । देशका केही हिस्सामा सप्ताहान्तमा वर्षात भएको थियो । यसले राहतको प्रयासलाई थप कठिन बनाउने र रोगको संक्रमणको खतरा बढाउन सक्ने चिन्ता बढेको छ ।

मार्च ८ मा गएको शक्तिशाली भूकम्पमा परेर मर्नेको सङ्ख्या बढेर ३ हजार ४१ जनामा पुगेको छ । त्यस्तैगरी, अरू २१४ जना अझै बेपत्ता छन् भने ४ हजार ६७१ जना घाइते छन् ।

बेमौसमी वर्षा र चरम गर्मीका कारण हैजा जस्ता महामारी फैलाउन सक्ने सहयोग एजेन्सीहरूले चेतावनी दिएका छन् । कयौँ मानिस अझै पनि खुला आकाशमा बस्न बाध्य भएकोले अरू टेन्ट चाहिएको संयुक्त राष्ट्र सङ्घका सहायता प्रमुख टम फ्लेचरले माइक्रो ब्लगिङ वेबसाइट एक्समा एउटा पोस्टमा भनेका थिए ।

छिमेकी थाइल्यान्डमा पनि भूकम्पमा परेर मर्नेको सङ्ख्या २४ पुगेको छ ।