चैत १५ मा गणतन्त्र र राजसंस्था पक्षमा एकै दिन प्रदर्शन

 काठमाडौँ । १५ चैतमा गणतन्त्र पक्ष र राजसंस्था पुनर्स्थापनाको पक्षमा एकै दिन विभिन्न प्रदर्शनहरू हुने भएकाे छ।

समाजवादी मोर्चा, जसमा नेकपा माओवादी केन्द्र, नेकपा एकीकृत समाजवादी, नेपाल समाजवादी पार्टी र विप्लव नेतृत्वको नेकपा आबद्ध छन्, भृकुटीमण्डपमा प्रदर्शन गर्दै छन्।

यसै दिन, मेडिकल व्यवसायी दुर्गा प्रसाईंको नेतृत्वमा रहेको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ले तीनकुनेमा प्रदर्शन गर्ने योजना बनाएको छ। साथै, नवराज सुवेदी नेतृत्वको ‘राजसंस्था पुनर्स्थापनाका लागि संयुक्त जनआन्दोलन समिति’ले पनि प्रदर्शन गर्ने घोषणा गरेको छ।