जितु र मुन्नीको फिल्म ‘कार्की साइँला’ २ असोजमा

काठमाडौँ । अहिले एकातिर जितु नेपाल अभिनित ‘आइएम जितबहादुर’ हलमा प्रदर्शन भैरहेको छ भने अर्कोतिर उनको आगामी फिल्म ‘कार्की साइँला’को प्रदर्शन मिति घोषणा भएको छ ।

निर्माताले २ असोजलाई नयाँ प्रदर्शन मितिको रुपमा घोषणा गरेका छन् । यसबारे जानकारी दिन सार्वजनिक पोस्टरमा जितु र प्रियना आचार्य ‘मुन्नी’ लाई रोमान्टिक अन्दाजमा देख्न सकिन्छ ।

‘कार्की साइँला’ नामका एक भरियाको जीवनी र सङ्घर्षको वरिपरि घुम्ने यस फिल्मको छायाङ्कन पूर्वी नेपालका रमणीय स्थल धनकुटा, सुनसरीको बराहक्षेत्र र चतरा लगायतका क्षेत्रमा गरिएको छ ।