देउवा-ओली ट्युनिङ थप सशक्त

काठमाडौ । सत्ता गठबन्धनका दुई सहयात्री दल नेपाली कांग्रेस र नेकपा एमालेबीचको ट्युनिङलाई अझ बलियो बनाउन प्रधानमन्त्रीसमेत रहेका एमाले अध्यक्ष केपी शर्मा ओली र कांग्रेस सभापति शेरबहादुर देउवा थप क्रियाशील भएर लागेका छन् । 

सरकार गठनमा सहकार्य गरेका संसद्का ठूला दुई दलका शीर्ष नेताहरूले पछिल्लो समय सरकार सम्बद्ध दलहरूबीचको गठबन्धनलाई बलियो बनाउने र सरकारको काम प्रभावकारी बनाउने विषयको एकतामा बल थप्न लागेका हुन्।

नेपाली राजनीतिका मुख्य प्रतिस्पर्धी दलहरूबीचको सत्ता सहकार्यलाई लिएर फरकफरक कोणबाट सकारात्मक र नकारात्मक टिप्पणी भइरहेको छ। यसैबीच दुवै दलका नेताहरूले सत्ता सहकार्यसँगै राजनीतिक प्रतिस्पर्धालाई सहजरूपमा लिएर जाने बताएका छन् । आगामी निर्वाचनमा एक्लाएक्लै चुनाव लड्ने प्रायः सबैजसो दलले निर्णय नै गरिसकेका छन्। नेपाल समाचारपत्रमा खबर छ ।