१० प्रतिशत कर लगाउने ट्रम्पको आदेशविरुद्ध चीनले प्रतिवाद गर्ने

काठमाडौं। चिनियाँ सामानमा १० प्रतिशत कर लगाउने अमेरिकी राष्ट्रपति डोनाल्ड ट्रम्पको आदेशबारे चीनको वाणिज्य मन्त्रालयले पनि प्रतिक्रिया दिएको छ, जसमा ट्रम्पको कदमविरुद्ध जवाफी कारबाही गर्ने भनिएको छ ।

चीनको वाणिज्य मन्त्रालयले एक विज्ञप्तिमा भनेको छ, 'चीन यस कदमबाट पूर्ण रूपमा असन्तुष्ट छ र यसको कडा विरोध गर्दछ ।' यसले विश्व व्यापार संगठनको नियमको 'गम्भीर उल्लङ्घन' चीनको ठहर छ ।

चीनले यस्तो कदम चीन र अमेरिकाबीचको सामान्य आर्थिक तथा व्यापारिक सहयोगका लागि हानिकारक रहेको बताएको छ ।

चीनले अब अमेरिकाको 'गलत व्यवहार'विरुद्ध विश्व व्यापार संगठनमा मुद्दा हाल्ने र 'आफ्नो अधिकार र हितको रक्षा गर्न' प्रतिकारात्मक कदम चाल्ने जनाएको छ । चीनले अमेरिकालाई आफ्नो गलत अभ्यास सच्याउन र समस्याको सामना गर्न चीनसँग मिलेर काम गर्न अपील गरेको छ ।