प्रधानमन्त्रीजी मन्त्र जपे जसरी भारत भ्रमणमा जाँदैछु, जाँदैछु भन्दै हुनुहुन्छ : नारायणकाजी श्रेष्ठ

काठमाडौं । नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले प्रधानमन्त्री केपी शर्मा ओलीले आफू भारत भ्रमणमा जाँदैछु भनेको भनेयै गरिरहेको टिप्पणी गरेका छन् ।

पूर्वपरराष्ट्रमन्त्रीसमेत रहेका श्रेष्ठले अर्घाखाँची पुगेर भने, ‘अहिलेको सरकारको दुई वटामात्रै काम छ । प्रधानमन्त्रीजीले भनिदिनुभयो म भारत भ्रमणमा जाँदैछु, जाँदैछु, जाँदैछु, त्यो अहिले पनि भन्दै हुनुहन्छ । अर्को भनेको यो सरकार पूरै अवधि टिक्छ भन्ने मन्त्र जपेर यो सरकार अघि बढिरहेको छ ।’

सरकारले भ्रष्टाचारीलाई जोगाएर निरंकुश बन्दै गइरहेको उनको भनाइ छ । उनले जनतामा देखिएको निराशा अन्त्य गर्न विपक्षी दलहरुले एकताबद्ध भएर दबाब बढाएको सुनाए ।