आक्रमणमा संलग्न दुईजना भारतबाट पक्राउ

काठमाडौं । काठमाडौंमा विक्रम लामामाथि आक्रमणमा संलग्न भनिएका दुई जनालाई प्रहरीले पक्राउ गरेको छ ।

विक्रममाथि आक्रमण गर्ने समूहका नाइके भनिएका नुवाकोट ककनी–४ का ३३ वर्षीय अजय लामा र गोरखाको आरुघाट–७ का दीपक बरामुलाई पक्राउ गरिएको प्रहरीले जनाएको छ ।

उनीहरुलाई भारतको हरियाणाबाट पक्राउ गरिएको प्रहरी स्रोतले जानकारी दिएको छ । अपराध अनुसन्धान कार्यालयको टोलीले उनीहरुलाई पक्राउ गरेको जनाएको छ ।

घरजग्गा व्यवसायी विक्रम लामामाथि ज्यान मार्ने उद्देश्यले केही दिनअघि काठमाडौंको लाजिम्पाटमा आक्रमण भएको थियो ।