दुबईमा दुर्घटनामा परे दक्षिण भारतीय अभिनेता अजित

काठमाडौं। दक्षिण भारतीय अभिनेता अजित कुमार दुबईमा दुर्घटनामा परेका छन्। भारतीय सञ्चारमाध्यम दैनिक भास्करका अनुसार उनलाई चोट भने लागेको छैन। यतिबेला सामाजिक सञ्जालमा उनको दुर्घटनाको भिडिओ भाइरल भइरहेको छ। भिडिओमा अजित कार चलाइरहेका छन्।

उनी कार रेसमा सहभागी हुन दुबई पुगेका थिए। जसका लागि उनले ६ घण्टा लामो प्रशिक्षण लिइरहेका थिए। प्रशिक्षण सकिनुअघि उनको कार भित्तामा ठोक्कियो।

अजित दुबईमा हुने २४ एच दुबई २०२५ रेसमा भाग लिँदैछन्। उनले आफ्नो टिमसँग प्रशिक्षण सुरू गरेका थिए।

अजित रेस टिमको मालिक पनि हुन्। उनी आफ्नो साथी मैथ्यू डेट्री, फैबियन डफिक्स र क्यामरन मैकलियोडसँग ९९९ क्लासमा पनि सहभागी हुनेछन्।