एमालेको युवा विद्यार्थी विशेष जिल्ला कमिटीको अध्यक्षसहित ३ पदाधिकारी निर्विरोध

काठमाडौँ । नेकपा (एमाले) को युवा विद्यार्थी विशेष जिल्ला कमिटीको पाँचौँ जिल्ला अधिवेशनले पाँच पदाधिकारीमध्ये ३ जना निर्विरोध निर्वाचित गरेको छ । एक उपाध्यक्ष एक उपसचिवका लागि सहमतिको प्रयास भइरहेको छ ।

बुधवार सुरु भएको पाँचौँ जिल्ला अधिवेशनमा नयाँ नेतृत्वका लागि बिहीबार बेलुका ८ बजेसम्म उम्मेदवारी दर्ताको समय तोकिएको थियो । अध्यक्षमा सुदर्शन शिवाकोटी र सचिवमा नरेन्द्र न्यौपानेको एकल उम्मेदवारी परेपछि उनीहरू निर्विरोध भएका हुन् ।

त्यस्तै महिला उपसचिवमा बिनिता काफ्लेका नाममा पनि सहमति जुटेको एमाले नेता माधव ढुङ्गेलले जानकारी दिए ।  बाँकी पदाधिकारीमा पनि सहमतिको प्रयास भइरहेको एमालेले जनाएको छ । अधिवेशनले ७५ सदस्यीय केन्द्रीय कमिटी चयन गर्नेछ ।  एमालेमा भूगोल र गैरभूगोल गरी ८१ वटा जिल्ला कमिटी छन् ।

युवा सङ्घ र अखिल नेपाल राष्ट्रिय स्वतन्त्र विद्यार्थी युनियनमा आबद्ध भई सदस्य लिएकाहरू यो कमिटीमा रहन सक्ने व्यवस्था छ ।