रवि लामिछानेलाई आज अदालतमा उपस्थित गराइँदै

पोखरा । तेस्रो पटक थपिएको म्याद पनि सकिएसँगै राष्ट्रिय स्वतन्त्र पार्टी (रास्वपा)का सभापति रवि लामिछानेलाई प्रहरीले अदालतमा उपस्थित गराउँदैछ । 

अनुसन्धानका लागि अदालतले दिएको १० दिनको म्याद गएराति सकिएसँगै प्रहरीले उनलाई आइतबार अदालतमा उपस्थित गराउन लागेको हो ।

प्रहरीले पाएको म्याद सकिएपछि आज पुनस्ःअदालत उपस्थित गराउन लागिएको जिल्ला प्रहरी कार्यालय कास्कीले जनाएको छ । 

सहकारी ठगीमा कात्तिक २ मा पक्राउ परेका लामिछानेको अनुसन्धान जारी रहेकाले आज पनि प्रहरीले थप म्याद माग्ने बताइएको छ ।