ओली र मोदीबीच आज साँझ ‘साइडलाइन’ वार्ता

काठमाडौं। अमेरिका भ्रमणमा रहेका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच आज भेटवार्ता हुने भएको छ ।

संयुक्त राष्ट्रसंघको महासभामा भाग लिन हाल न्युयोर्कमा रहेका दुई प्रधानमन्त्रीबीच स्थानीय समयअनुसार साँझ ५ बजेदेखि ६ बजेसम्म​ होटेल लोटे न्युयोर्क प्यालेसमा ‘साइडलाइन’ भेटवार्ता हुने ओलीको सचिवालयले जनाएको छ ।

प्रधानमन्त्री ओलीले राष्ट्रसंघका महासचिव एन्टोनियो गुटेरेससँग यसअघि नै भेटवार्ता गरिसकेका छन् । ग्रीन हाउस उत्सर्जनमा भारी कटौती गर्नुपर्ने विषयमा दुईबीच समान धारणा देखिएको थियो ।