भैरहवामा 'खुल्ला मिनी म्याराथन प्रतियोगिता' गर्दै कांग्रेस

काठमाडौं। नेपाली कांग्रेस रुपन्देहीले 'खुल्ला मिनी म्याराथन प्रतियोगिता' गर्ने भएको छ ।​​​ १११औं वीपी जयन्तीको अवसरमा उक्त प्रतियोगिता आयोजना गरिएको नेपाली कांग्रेस रुपन्देहीका सभापति रामकृष्ण खाँणले जानकारी दिए ।​​ उनका अनुसार प्रतियोगिता यही भदौ २४ गते भैरहवामा हुनेछ ।

युवाहरूमा खेलप्रति उत्साह जगाउँदै खेलको विकास एवं प्रवर्द्धन गर्ने उद्देश्यले प्रतियोगिता आयोजना गरिएको उनले बताए ।

पाँच किलोमिटरको प्रतियोगिता एयरपोर्टबाट शुरू भएर लुम्बिनी रोड, बुद्ध चोक, बरमेलीटोल, नारायणथान हुँदै मिलनचोक पुगेर समापन हुनेछ कार्यक्रम संयोजक ओमकुमार श्रेष्ठले जानकारी दिए ।​

प्रतियोगिता बिहान ६:३० देखि शुरू हुनेछ । प्रतियोगितामा खुल्ला र महिला तर्फका विजेताले अलग-अलग पुरस्कार पाउने छन् ।

खुल्लातर्फ प्रथम पुरस्कार १० हजार रुपैयाँ र मेडल, द्वितीय पुरस्कार हजार र मेडल, तृतीय पुरस्कार ३ हजार र मेडल र सान्त्वना पुरस्कारहरू २ जनालाई  १ हजार ५ सय रुपैयाँ र मेडल प्रदान गरिने आयोजकले जनाएको छ ।

त्यसैगरी महिलातर्फ प्रथम पुरस्कार १० हजार रुपैयाँ तथा मेडल, द्वितीय पुरस्कार ५ हजार र मेडल, तृतीय पुरस्कार ३ हजार रुपैयाँ र मेडलको व्यवस्था गरिएको संयोजक श्रेष्ठले जानकारी दिए ।