अमेरिकामा नेपाली युवतीलाई गोली हान्ने पुरुषको तस्बिर सार्वजनिक

एजेन्सी । अमेरिकी प्रहरी नेपाली युवती मुना पाण्डेमाथि गोली चलाउने व्यक्तिको तस्बिर सार्वजनिक गरेको छ। 

बुधबार ह्युस्टन प्रहरीले अभियुक्तको तस्बिर सार्वजनिक गरेको हो। यद्यपि अभियुक्तको पहिचान भने खुलिनसकेको समाचारहरुमा जनाइएको छ । 

ह्युस्टन कम्युनिटी कलेजमा अध्ययनरत २१ वर्षीया मुना पाण्डे सोमबार साँझ आफ्नै घरमा हत्या गरिएको अवस्थामा भेटिएकी थिइन्। उनीमाथि गोली प्रहार भएको थियो।

शनिबारदेखि सम्पर्कविहीन रहेकी नेपालको भोजपुर घर भएकी उनी सोमबार आफ्नै घरमा मृत भेटिएकी हुन्। ह्युस्टन प्रहरीले उनीमाथि एकभन्दा बढी राउन्ड गोली प्रहार भएको बताएको छ।