पौडी खेल्दा बेपत्ता भएका युवकको शव फेला

कास्की । कास्कीमा पौडी खेल्ने क्रममा बेपत्ता भएका एक युवकको शव फेला परेको छ।

पोखरा महानगरपालिका–२३ घाँटीछिनास्थित हर्पन खोलामा डुवेर बेपत्ता भएका धादिङका एक युवकको शव फेला परेको हो। 

मृत्यु हुनेमा धादिङको त्रिपुरासुन्दरी गाउँपालिका–७ घर भई पोखरा महानगरपालिका–८ नागढुङ्गा बस्ने २५ वर्षिय सन्तोष सिंखडा रहेका प्रहरीले जनाएको छ। 

पौडी खेल्ने क्रममा खोलामा डुवेर बेपत्ता भएका युककको शव सशस्त्र प्रहरीको गोताखोर टोलीले फेला पारेको हो। 

पोखरीको २० फिट गहिराइबाट उनको शव बाहिर निकालिएको प्रहरीले जनाएको छ।