संविधान संशोधन गर्न एमालेसँग सल्लाह गर्छौं : गगन थापा

शनिबार काठमाडौंमा आयोजित एक कार्यक्रमलाई सम्बोधन गर्दै प्रमुख प्रतिपक्षी दल नेपाली कांग्रेसका सांसदसमेत रहेका महामन्त्री थापाले केही महिनादेखि प्रदेशका मुख्यमन्त्रीहरु प्रदेशमा नभएर सर्वोच्च अदालतमा भेटिन् थालेको बताएका छन् । उनले संविधान संशोधनका लागि कांग्रेसले सत्तारुढ दल नेकपा एमालेसँग सघन छलफल गर्ने पनि प्रतिवद्धता जनाए । थापाले संविधान संशोधन गर्न ढिला गर्न नहुनेमा आफ्नो दल प्रष्ट रहेको बताए ।

‘प्रदेशको निर्वाचन प्रणाली बदल्नुपर्छ। प्रदेश अहिले अदालतले चलाएको छ। मुख्यमन्त्री अदालतमा भेटिन थालेका छन्। सबै लगेर अदालतमा बुझाएका छन्। अब कसैलाई दोष दिए हुँदैन। प्रदेशको सन्दर्भमा कतिपय कुरा संविधानमा मिलेनछन्, त्यसो भए के गरौं ? संशोधन गरौं। त्यो गर्न एमालेसँग सल्लाह गरौं,’उनले भने।