कपिलवस्तुका नापी सर्वेक्षक घुस रकमसहित पक्राउ

काठमाडौं। नापी कार्यालय चन्द्रौटा कपिलवस्तुका सर्वेक्षक बेचनप्रसाद गुप्ता घुस रकमसहित पक्राउ परेका छन् ।उनलाई अख्तियार दुरुपयोग अनुसन्धान आयोग बुटवलबाट खटिएको टोलीले शुक्रबार दिउँसो पक्राउ गरेको हो ।

जग्गा कित्ताकाट गर्ने प्रयोजनका लागि सेवाग्राहीसँग घुस माग गरेको सूचनाका आधारमा आयोगको बुटवलबाट टोली खटेको थियो ।आयोगका प्रवक्ता प्रवक्ता नरहरि घिमिरेका अनुसार गुप्ताको साथबाट सेवाग्राहीबाट लिएको ३५ रुपैयाँ र स्रोत नखुलेको ५० हजार रुपैयाँ बरामद भएको थियो । ​

थप अनुसन्धान भइरहेको आयोगले जनाएको छ ।