कांग्रेसले राष्ट्रपतिलाई नीति तथा कार्यक्रम पेश गर्न नदिने

काठमाडौँ । संघीय संसदको दुबै सदनको बैठकमा राष्ट्रपति रामचन्द्र पौडेलले सरकारको आगामी आर्थिक वर्षको नीति तथा कार्यक्रम पेश गर्ने कार्यक्रम तय हुँदा नेपाली कांग्रेसलिे अवरोध कायमै राख्ने जनाएको छ ।

संघीय संसद सचिवालयले संघीय संसदको संयुक्त बैठक दिउँसो ३ बजे बस्ने गरेर समय निर्धारण गरिसकेको छ । तर, आफूहरुको माग सम्बोधन नभएसम्म सदन चल्न नदिने कांग्रेको भनाइ छ ।

कांग्रेस प्रमुख सचेतक रमेश लेखकले उपप्रधान तथा गृहमन्त्री रवि छामिछानेमाथि छानबिन गर्न संसदीय छानबिन समिति नबनेसम्म संसद्को कामकारबाही अवरुद्ध हुने बताए । कांग्रेसले शुक्रबार। बसेको बजेट अधिवेशनको पहिलो बैठकमा पनि अवरुद्ध पारेको थियो ।