काँग्रेसको आपूर्ति तथा उपभोक्ता विभागमा १० सदस्य मनोनयन

काठमाडौँ । नेपाली काँग्रेसको केन्द्रीय आपूर्ति तथा उपभोक्ता विभागमा १० जना सदस्य मनोनयन भएका छन् ।

नेपाली काँग्रेसका सभापति शेरबहादुर देउवाले नेपाली काँग्रेसको विधान, २०१७ (संशोधन सहित) को धारा २५ (९)बमोजिम पार्टीका केन्द्रीय सदस्य गुरु बराल प्रमुख रहेको विभागको सदस्यमा १० जनालाई मनोनयन गरेका हुन् ।

मनोनयन भएका सदस्यहरूमा फुलकुमार लालवाणी (मोरङ), मनोहरि तिवारी (काठमाडौँ), पद्मबहादुर रावल (मुगु), प्रेमलाल महर्जन (ललितपुर), देविका नेपाली (दाङ), किरण भगत (सप्तरी), महेन्द्र काफ्ले (तेह्रथुम), निर्मला सुवेदी (रौतहट), तपेन्द्रबहादुर शाह अछाम) र माधव तिमिल्सिना (काठमाडौँ) रहेका छन् ।