टिपर दुर्घटना हुँदा २ युवकको मृत्यु, २ घाइते

डडेल्धुरा । डडेल्धुराको नवदुर्गामा गएराति टिपर दुर्घटना हुँदा २ युवकको मृत्यु भएको छ। दुर्घटनामा परेर थप दुईजना घाइते भएका छन्।

नवदुर्गा गाउँपालिका–४ सुरुडामा बागमती प्रदेश ०१–००१ क ९६५१ नम्बरको टिपर गएराति करिब ११ बजे दुर्घटनामा परेको जिल्ला प्रहरी कार्यालय डडेल्धुराका प्रहरी निरीक्षक कुसुम नायकले जानकारी दिए। 

दुर्घटनामा ट्याक्टर चालक धादिङको गजुरी गाउँपालिका–७ का ४० वर्षीय धिरज थापा मगर र धादिङकै रोराङ गाउँपालिकाका २७ वर्षीय विष्णु विकको मृत्यु भएको प्रहरीले जनाएको छ ।