काठमाडौं। प्रहरी परिसर काठमाडौं र अपराध महाशाखाको प्रमुख फेरिएका छन् ।प्रहरी प्रधान कार्यालयले शुक्रवार काठमाडौं परिसरमा प्रहरी वरिष्ठ उपरीक्षक (एसएसपी) वसन्त रजौरे र काठमाडौं उपत्यका अपराध अनुसन्धान कार्यालयमा सानुराम भट्टराईलाई जिम्मेवारी तोकेको छ ।
भट्टराई यसअघि राष्ट्रिय सुरक्षा परिषद र रजौरे अपराध अनुसन्धान विभागमा थिए ।प्रहरी महानिरीक्षक (आईजीपी) वसन्त कुँवर देशबाहिर रहेका बेला सरुवा भएको हो ।
आईजीपी कुँवर इन्टरपोलको महासभामा भाग लिन फ्रान्सको लियोनमा छन् ।परिसरमा यसअघि एसएसपी भूपेन्द्र खत्री र अपराध अनुसन्धान कार्यालयमा सोमेन्द्रसिंह राठौर थिए ।
प्रतिक्रिया दिनुहोस
सफल खबर संवाददाता
शुक्रबार, १४ बैशाख २०८१, १२ : २८
लेखकबाट थप