हुम्लाको भेडी गोठमा आगलागी, १ जनाको मृत्यु

हुम्ला। हुम्लाको दक्षिण भेगमा रहेको सर्केगाड गाउँपालिका–८ रादेउमा आगलागीमा परी एक व्यक्तिको मृत्यु भएको छ ।गाउँभन्दा केही पर रहेको कुरिल्ला लेखको आफ्नै भेडी गोठमा बुधवार राति आगलागी हुँदा ५५ वर्षीय हर्के ऐडीको मृत्यु भएको जिल्ला प्रहरी कार्यालय हुम्लाका प्रहरी निरीक्षक नरेन्द्र चन्दले बताए ।

हावाहुरीका कारण आगलागी भएको निरीक्षक चन्दले बताए ।अहिले उनको शव आफन्तको जिम्मा लगाइएको छ ।भेडी गोठको आगलागीमा परेर ६० वटा भेडासमेत मरेका उनले बताए ।