माओवादी कर्णाली प्रदेश संसदीय दलको बैठक बस्दै, बैठकअघि आन्तरिक छलफल

सुर्खेत । नेकपा माओवादी केन्द्र कर्णाली प्रदेश संसदीय दलको बैठक बस्ने तयारी भएको छ ।   माओवादी केन्द्र संसदीय दलका प्रमुख सचेतक रणसिं परियारले बैठकका लागि तयारी भइरहेको बताए ।

तर, त्यो भन्दा पहिला मुख्यमन्त्रीलगायतलाई मनाउन  नेता महेन्द्रबहादुर शाहीको सहभागीमा आन्तरिक छलफल भइरहेको छ।  आन्तरिक छलफलबाट निस्कने निचोडका आधारमा पार्टी अघि बढ्ने उनको भनाइ छ ।

‘मुख्यमन्त्री निवासमा नेताहरूबिच छलफल भइरहेको छ, पूर्वमुख्यमन्त्री (महेन्द्रबहादुर शाही)ले माथिबाट के सन्देश ल्याउनु भएको छ बैठकमा छलफल होला र अहिले भइरहेको बैठकले के निर्णय गर्छ त्यसलाई मानेर जानुपर्ने हुन्छ ।

तर, अहिलेसम्म माओवादीको बटमलाइन विश्वासको मत लिने नै भएको बताए । माओवादी केन्द्रका केही नेताले कर्णाली सरकार एमालेलाई दिन नहुने अडान लिएपनि केन्द्रमा शीर्ष नेताहरूबिच एमालेलाई पहिलो चरणको नेतृत्व दिने समझदारी भएको छ ।यसैबिच प्रदेश सभामा कार्यव्यवस्था समितिको समेत बैठक बसिरहेको छ ।