डाँका पक्रन प्रहरीले चलायो गोली, २ जना पक्राउ

काठमाडौ । सर्लाहीमा प्रहरीले गोली चलाएको छ । लुटपाटका आएकाहरुलाई नियन्त्रणमा लिएको तर भाग्न खोजेपछि प्रहरीले गोली चलाएको हो । 

सो क्रममा प्रहरीले चलाएको गोली लागेर भारत मोतिहारी घर भएका जितेन्द्र राउत घाइते भएका छन् । उनको मलंगवास्थित प्रादेशिक अस्पतालमा उपचार भइरहेको जिल्ला प्रहरी कार्यालय सर्लाहीले जनाएको छ ।

राउतको घुँडा र तिघ्रामा गोली लागेको बताइएको छ ।सर्लाहीको बरहथवामा पक्राउ गरेर जिल्लामा लैजाँदै गर्दा भाग्न खोजेपछि प्रहरीले गोली चलाएको बताइएको छ ।

राउतसँगै मोटरसाइकलमा सवार अर्का एक जनालाई पनि प्रहरीले पक्राउ गरेको छ ।