ट्याक्टर पल्टिँदा चालकको मृत्यु, ट्याक्टर धनी फरार

सर्लाही । सर्लाहीको बसबरिया गाउँपालिका–३ मा ट्याक्टर दुर्घटना हुँदा चालकको मृत्यु भएको छ। 

प्रदेश २–०२–००१ त ०४३५ नम्बरको ट्र्याक्टर पल्टिँदा त्यसका चालक बसबरिया गाउँपालिका–३ का १९ वर्षीय पुजेरी माझीको मृत्यु भएको जिल्ला प्रहरी कार्यालय सर्लाहीले जनाएको छ ।

खेतमा काम गरेर फर्किंदा बसबरिया गाउँपालिका–३ कोठिहारस्थित नहरमा आइतबार साँझ ट्याक्र पल्टिएको थियोे । 

दुर्घटनाको बेला ट्र्याक्टर धनी बसबरिया गाउँपालिका–३ का अन्दाजी ५० वर्षीय सञ्जीवकुमार यादव पनि ट्याक्टरमै थिए। उनी भने सकुशल रहेका प्रहरीले जनाएको छ।

दुर्घटनापछि ट्र्याक्टर धनी यादव फरार रहेका छन्। दुर्घटनामा संलग्न ट्र्याक्टर इलाका प्रहरी कार्यालय बरहथवाको नियन्त्रणमा रहेको र शवलाई शवपरीक्षणका लागि प्रादेशिक अस्पताल मलङ्गवा, सर्लाही पठाइएको प्रहरीले जनाएको छ।