विराटनगर। उदयपुरमा भएको जीप दुर्घटनामा मृत्यु हुनेको संख्या ७ पुगेको छ । भोजपुरका लागि छुटेको को १ ज २५९३ नम्बरको जीप बिहीबार बिहान उदयपुरको बेलका नगरपालिका –७ मैनामनीको चेङ्ग्रे भन्ने ठाउँमा दुर्घटना भएको हो । दुर्घटना भएको स्थान भोजपुर र उदयपुरको सिमानामा पर्छ ।
दुर्घटनामा मृत्यु हुनेको संख्या ७ पुगेको प्रहरीले जनाएको छ । उद्धारका क्रममा थप एक जनाको शव भेटिएको जिल्ला प्रहरी कार्यालय भोजपुरका प्रहरी निरीक्षक दल बहादुर राईले बताए । ७ जनाको घटना स्थलमै मृत्यु भएको उनले बताए ।
मृत्यु हुनेमा चालक रमेश बस्नेतसहित ३ जना पुरुष, ३ महिला र एक जना बच्चा रहेको उनले बताए ।८ जनाको उद्धार गरिएको उनले बताए । घाइतेमध्ये ५ जनालाई स्थानीयको गाडीमार्फत् धरानस्थित बीपी कोइराला स्वास्थ्य विज्ञान प्रतिष्ठान पठाइएको उनले बताए ।
अन्य ३ जनालाई सप्तकोशीको जेटबोटबाट गाडी भएको स्थानतर्फ लगिँदै गरिएको उनले बताए ।भिरालो बाटोमा सडक भन्दा ४ सय मिटर तल खसेको प्रहरीले जनाएको छ।
प्रतिक्रिया दिनुहोस
सफल खबर संवाददाता
विहीबार, ०१ चैत्र २०८०, १३ : ४४
लेखकबाट थप
सम्बन्धित समाचारहरु
मनकामना जाँदै गरेको जीप दुर्घटना हुँदा एकजनाको मृत्यु
मुगुमा जीप दुर्घटना, दुई जनाको मृत्यु
उदयपुरमा जीप दुर्घटना, ५ जनाको मृत्यु
भारतको मध्य भारतमा जीप दुर्घटना, १५ जनाको मृत्यु
अछाम जीप दुर्घटना अपडेट : एक नाबालकको मृत्यु, १४ जना घाइते [नामसहित]
अछाममा जीप दुर्घटना हुँदा १५ जना घाइते