सार्वजनिक लेखा समितिको सभापतिमा कांग्रेसको दाबी​

काठमाडौं। संसद्‌को सार्वजनिक लेखा समितिको नेतृत्वमा नेपाली कांग्रेसले दाबी गरेको छ। पार्टी सभापति शेरबहादुर देउवानिवास बूढानीलकण्ठमा आज बसेको पदाधिकारी बैठकले सार्वजनिक लेखा समितिको नेतृत्व कांग्रेसले पाउनुपर्ने निष्कर्ष निकालेको हो ।

यस्तै कांग्रेसले  राष्ट्रिय सभाको अध्यक्ष र उपाध्यक्ष दुवै पदमा उम्मेदवारी दिने विषयमा छलफल गरेको कांग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिए ।संघीय संसद्‌को महत्त्वपूर्ण मानिने सार्वजनिक लेखा समितिको नेतृत्व विपक्षी दललाई दिने प्रचलन छ । संसद्‌मा विभिन्न १६ वटा विषयगत समिति छन् ।

अहिले समितिको सभापतिमा नेकपा एमालेका ऋषिकेश पोखरेल छन् ।कांग्रेस–माओवादी गठबन्धन भत्किएर नयाँ एमाले–माओवादी लगायतको गठबन्धन बनेपछि समितिको नेतृत्वमा कांग्रेसले दाबी गरेको हो ।