काठमाडौं । विवादास्पद मेडिकल ब्यवसायी दुर्गा प्रसाईंले काठमाडौंमा आज प्रर्दशन गर्न लागेका छन् ।
सनातन हिन्दु राष्टको नारा आवरणमा बोकेर प्रसाईं बैंकसँगको आफनो ऋण मिनाहको वातावरण निर्माणका लागि सरकारलाई दवाव वढाउन लागिरहेका छन् ।
यसका लागि उनले राजावादीहरुको साथ खोजेका छन् । पूर्वराजा र उनका परिवारसम्मलाई पटक पटक भेटेर प्रसाईंले त्यसैका आडमा आफनो शक्ति देखाउन चाहिरहेका छन् ।
प्रसाईंको यही अभियानमा राजावादीहरु पनि मिसिन थालेका छन् । प्रसाईंले काठमाडौंको टुडिखेलमा आज शक्ति प्रर्दशन गर्ने कार्यक्रमको घोषणा एक महिना अगाडी देखि गदैं आएका थिए ।
यधपी, टुडिखेलमा चिनियाँ कला प्रर्दशनी भईरहेको र त्यहाँ कार्यक्रम गर्न नेपाली सेनासम्मको अनुमति लिनुपर्नेमा प्रसाईंले अनुमति नलिएका कारण उनको कार्यक्रम टुडिखेलमा भने हुनेछैन ।
कुनै राजनीतिक कार्यक्रम टुडिखेलमा गर्न नदिने रणनीतिमा रहेको सेनाले त्यहाँ कार्यक्रम गर्न नदिने देखेपछि प्रसाईंको लागि कार्यक्रम स्थल भृकुटीमण्डपको भित्री खुल्ला क्षेत्रमा तोकिएको छ । त्यही प्रसाईंले आज आफना समर्थकलाई सम्वोधन गर्ने कार्यक्रम छ ।
यद्यपी, प्रसाईं आफनो कार्यक्रम अगाडी पूर्व पञ्चहरुको पार्टी राप्रपाका नेताहरुसँगको सम्वादमा बसेका छन् । राप्रपाभित्र पार्टीले हिन्दु राष्ट र राजतन्त्रको प्रखर वकालत गर्न नसकेको भन्दै बरु प्रसाईंले थालेको अभियानलाई नै साथ दिन पर्छ भन्ने धारका नेताहरुसँग अहिले यो समाचार तयार पार्दासम्म प्रसाईंको छलफल भईरहेको छ ।
विशेष सूत्रका अनुसार, भक्तपुर सल्लाघारीस्थित होटल ग्रीनमा प्रसाईं र राजावादी समुहका राप्रपा नेताहरुका बीचमा बिहानै देखि वार्ता जारी छ । उक्त वार्तामा सांसद समेत रहेका धवलशम्शेर जवरापनि केही समय सहभागी भएर निस्केका थिए ।
राप्रपाका उपल्ले स्तरका नेतामा धबल शम्शेर केही समय प्रसाईसँगको उक्त छलफलमा सहभागी भएपनि अन्य नेताहरु पनि सहभागी छैनन । राप्रपामा प्रसाईंको आन्दोलन र कार्यक्रमलाई लिएर हेर्ने दृष्टिकोणमा दुई धार छ ।
प्रसाईंको पिच्छलग्गु हुने या आफनो तर्फबाट नै राजावादी मुभमेन्ट अगाडी बढाउने भन्नेमा पूर्वपञ्चहरुको पार्टी राप्रपामा विग्रह छ । कतिपय नेताहरु प्रसाईंको पछि लाग्दा पार्टी नै भड्खालोमा जाने र प्रसाईंका विशुद्द उठन्ते नारामा भूल्न नहुने मत पनि राप्रपामा जब्बर छ ।
तर पनि रवीन्द्र मिश्र, ज्ञानेन्द्र शाही, धबलसम्शेर लगायतका नेताहरु आन्दोलन जसले उठाएपनि त्यहाँ राप्रपाको बलियो उपस्थिती देखाएर जानुपर्ने पक्षमा वकालत गरिरहेका छन् ।
गणतन्त्र प्राप्तीका लागि माओवादीले न्याय, समानता र स्वतन्त्रताका लागि गरेको जनयुद्दको वर्षगाँठकै अवसरमा त्यसलाई चुनौति दिने गरि प्रसाईंले काठमाडौंमा शक्ति प्रर्दशनको कार्यक्रम राखेका हुन् ।
तर उनको त्यस्तो प्रर्दशनले परिवर्तन विरोधीहरुलाई क्षणिक मृगतृष्ण दिएपनि बलिदानको जगमा प्राप्त उपलब्धीलाई हल्लाउन नसक्ने विश्लेषण राजनीतिक बृतमा छ ।
प्रतिक्रिया दिनुहोस
सफल खबर संवाददाता
मंगलबार, ०१ फागुन २०८०, १२ : २९
लेखकबाट थप
सम्बन्धित समाचारहरु
दुर्गा प्रसाईंले लिएको हतियारको विवरणहरू प्राप्त नभएपछि मन्त्रालय रनभुल्लमा
राज्यले १३ वर्षदेखि तड्पाइ राखेको थियो, सर्वोच्चले न्याय दियो: दुर्गा प्रसाईं
दुर्गा प्रसाईँले पाएको हतियार इजाजतबारे छानबिन गर्न गृह मन्त्रालयद्वारा समिति गठन
दुर्गा प्रसाईँका अङ्गरक्षकलाई रिहा गर्न सर्वोच्चको आदेश
दुर्गा प्रसाईँको पक्षमा सर्वोच्चको फैसला, मेडिकल कलेजलाई सम्बन्धन दिन आदेश
दुर्गा प्रसाईँको रिटमा फैसला सुनाउने सर्वोच्चको तयारी