डोटीमा भालुको आक्रमणबाट एक महिला घाइते

डोटी । डोटीमा भालुको आक्रमणबाट एक महिला घाइते भएकी छन्  ।  

भालुको आक्रमणबाट घाइते हुनेमा डोटीको आदर्श गाउँपालिका-२ कुचेडा बस्ने शेर बहादुर बोहराको श्रीमती वर्ष २४ कि देउसरा बोहरा घाइते भएकी जिल्ला प्रहरी कार्यालय डोटीका प्रहरी निरीक्षक सिताराम विष्टले बताए । 

घर नजिकै रहेको जङ्गलमा घाँस काट्ने क्रममा भालुले आक्रमण गरी बायाँ हात, दाहिने खुट्टा र कम्मरमा चोट लागेको प्रहरीले जनाएको छ । घाइते महिलालाई मौवा स्वास्थ्य चौकीमा उपचार गरी थप उपचारको लागि सेती प्रादेशिक अस्पताल धनगढी रिफर गरिएको समेत प्रहरीले जनाएको छ ।