काठमाडौँ । जनता समाजवादी पार्टी (जसपा)का अध्यक्ष उपेन्द्र यादवले जुनसुकै बेला विस्फोट वा विद्रोह हुने अवस्थामा मधेश पुगेको बताएका छन् । जनकपुरधाममा मधेश सरकारलाई आयोजना गरेको ‘मधेश स्वाभिमान दिवस’ समारोहमा बोल्दै जसपा अध्यक्ष यादवले भने, ‘मधेश सबभन्दा पछाडि परेको छ । विभेद र असमानता यहीँ छ । गरिबी पनि यहीँ छ । यस्तो अवस्थामा कुनै व्यवस्था सफल हुन सक्दैन । कुनै बेला पनि विस्फोट र विद्रोह हुने अवस्था छ ।’
उनले मधेशले हजारौँ वर्षदेखि देश र विदेशलाई पालेको भन्दै अब संघीय सरकारले मधेशको विकासमा ध्यान दिनुपर्ने बताए । उनले प्रदेश सरकारले सुशासनमा ध्यान दिनुपर्ने पनि बताए ।
‘यो प्रदेशमा विकास गर्न चुनौती मात्र होइन, अवसर पनि हो’, अध्यक्ष यादवले भने, ‘नेताहरूलाई आग्रह गर्न चाहन्छु, अवसरलाई उपयोग गर्नुहोस् ।’ उनले प्रदेशलाई आर्थिक रुपमा सम्पन्न, कृषिमा आधुनिकीकरण र बन्द उद्योग धन्दाहरु पुनः सञ्चालनमा ध्यान दिन पनि प्रदेश सरकारलाई सुझाए । उनले भने, ‘शिक्षा र स्वास्थ्यलाई पनि अगाडी बढाउनुपर्छ । भेदभावरहित समाज निर्माणतर्फ लाग्नुपर्छ ।’
प्रतिक्रिया दिनुहोस
सफल खबर संवाददाता
बुधबार, ०३ माघ २०८०, २० : ४३
लेखकबाट थप
सम्बन्धित समाचारहरु
भरतपुर अस्पतालको अनुगमनपछि स्वास्थ्यमन्त्री यादव भन्छन् - जनअपेक्षाअनुसार सेवा दिन सकिएको छैन
उपेन्द्र यादवलाई पदबाट बर्खास्त गर्न माग
स्वास्थ्य सेवालाई सबैको पहुँचमा पुर्याउनु नै चुनौती : स्वास्थ्यमन्त्री यादव
जसपा सरकारमा जाने, स्वास्थ्यमन्त्रीमा उपेन्द्र यादव पक्का
शासक वर्गको उपेक्षाका कारण मधेश पछि पर्यो : अध्यक्ष यादव
शासक वर्गको उपेक्षाका कारण मधेस पछि पर्यो : अध्यक्ष यादव