पाकिस्तानको पञ्जाबमा बस तालमा खस्यो, तीनजनाको मृत्यु

एजेन्सी । पाकिस्तानको पूर्वी पञ्जाब प्रान्तको बहावलपुर जिल्लामा मंगलबार एउटा बस तालमा खस्दा तीन जनाको मृत्यु भएको छ। १७ जना घाइते भएका छन्।

जिल्लाको नौशेरा जादेद क्षेत्रमा यात्रुवाहक बस मोड्ने क्रममा पल्टिँदा सुक्खा तालमा खसेको थियो। दुई पुरुष र महिलाको घटनास्थलमै मृत्यु भएको उद्धार सेवाले जनाएको छ। 

सूचना पाएपछि उद्धारकर्मी घटनास्थलमा पुगेर घाइतेलाई स्थानीय अस्पतालमा लगेको बताइएको छ। बस संघीय राजधानी इस्लामावादबाट दक्षिणी बन्दरगाह शहर कराँचीतर्फ गइरहेको थियो।