प्रहरी महानिरीक्षकको जवाफ : 'मन्त्रीको गाडी नआएको भए बालकुमारी घटना हुने थिएन'

काठमाडौ । नेपाल प्रहरीका महानिरीक्षक वसन्त बहादुर कुँवरले गएको शुक्रबार बालकुमारीमा दुई युवाको ज्यान जानेगरी भएको घटनाको विषयमा प्रतिनिधि सभाको राज्य व्यवस्था तथा सुशासन समितिमा जवाफ दिएका छन्। 

सोमबार बिहान कुँवरले सिंहदरबारस्थित समितिको बैठकमा गएर घटनाको विषयमा जवाफ दिएका हुन्। 

समितिका सदस्यहरुले बालकुमारी घटनाका विषयमा सोधेका प्रश्नमा उनले भौतिक पूर्वाधारमन्त्री प्रकाश ज्वाला सवार गाडी त्यो दिन युवाहरुले प्रदर्शन भइरहेको ठाउँमा नआएको भए घटना नहुन सक्ने अनुमान गरेका छन्।