प्रचण्ड नेतृत्वको सरकारको एक वर्ष पूरा, सिंहदरबारबाट राष्ट्रको नाममा सम्बोधन हुँदै

काठमाडौ । माओवादी केन्द्रका अध्यक्ष प्रचण्ड नेतृत्वको सरकारले मंगलबार एक वर्ष पूरा गरेको छ ।

एक वर्ष पूरा गरेको अवसरमा प्रधानमन्त्रीले मंगलबार साँझ सिंहदरबारबाट राष्ट्रका नाममा सम्बोधन गर्दैछन् । 

प्रधानमन्त्री प्रचण्डले आज साँझ ५ बजे राष्ट्रका नाममा सम्बोधन गर्ने तय भएको प्रधानमन्त्रीका प्रेस सल्लाहकार गोविन्द आचार्यले जानकारी दिए । 

सम्बोधनका क्रममा प्रधानमन्त्रीले आफ्नो आगामी योजनाहरूबारे प्रस्तुत गर्दै एक वर्षका अवधिमा भएका कामकारबाहीबारे पनि देशवासीलाई जानकारी दिने जनाइएको छ ।  

प्रधानमन्त्री प्रचण्ड २०७९ पुस १० गते प्रधानमन्त्रीमा नियुक्त भएका थिए । सुरुमा एमालेसँग गठबन्धन गरेर प्रधानमन्त्री बनेका प्रचण्डले राष्ट्रपति निर्वाचनका क्रममा भएको फेरबदलपछि कांग्रेसको साथ पाएका थिए ।