पाण्डेलाई आजपाको लुम्बिनी प्रदेश अध्यक्षको जिम्मेवारी

काठमाडौ । आम जनता पार्टी (आजपा) ले लुम्बिनी प्रदेश कमिटी अध्यक्षामा नारायण प्रसाद पाण्डेलाई चयन गरेको छ ।

एमाले रुपन्देहीका नेता उनी केही दिन पहिले मात्रै पार्टी परित्याग गरेर आजपामा प्रवेश गरेका थिए । 

आजपाको बागमती प्रदेश कमिटीको बैठकका क्रममा पार्टी प्रवेश गरेका उनलाई अध्यक्ष साहले पार्टीमा स्वागत गरेका थिए । 

पाण्डेले पार्टी प्रवेशसँगै आजपाको प्रदेश अध्यक्ष चयन भएका हुन् । प्रदेश कमिटीको इन्चार्ज सुमिना हुसेनाई तोकिएको छ भने सहइन्चार्जमा प्रमानन्द वर्मा र विक्रम चौधरी रहेका छन् ।

यसैगरी प्रदेश सचिवमा आशा सञ्जेललाई चयन गरिएको सो पार्टीका महासचिव उमेश साहले जानकारी दिए ।