विशेष अदालतको फैसलाविरुद्ध अख्तियारद्वारा सर्वोच्चमा पुनरावेदन

काठमाडौं। अख्तियार दुरुपयोग अनुसन्धान आयोगले विशेष अदालत काठमाडौंबाट भएको फैसलाविरुद्ध सर्वोच्च अदालतमा पुनरावेदन गरेको छ ।मेकानिकल इन्जिनियर दीपक बम र बिचौलिया नीरक शाहीले घुस लिएर भ्रष्टाचार गरेको आरोपमा अख्तियारले दायर गरेको मुद्दामा विशेषले गत जेठ २६ गते सफाइ दिएको थियो ।

विशेष अदालतबाट भएको उक्त फैसला चित्त नबुझी सोमवार सर्वोच्च अदालतमा पुनरावेदन गरिएको आयोगका प्रवक्ता नरहरि घिमेरेले जानकारी दिए ।उनका अनुसार मेकानिकल इन्जिनियर बमले ३ हजार रुपैयाँ र बिचौलिया शाहीले १० हजार ३६० रुपैयाँ घुस लिएको आरोपमा आयोगले विशेषमा मुद्दा दायर गरेको थियो ।