ललितपुरको झम्सीखेलमा गोली चल्यो

काठमाडौं। ललितपुरको झम्सीखेलमा गोली चलेको छ । काठमाडौं उपत्यका अपराध अनुसन्धान कार्यालयको टोलीले लागुऔषध कारोबारीलाई पक्राउ गर्ने क्रममा मंगलबार दिउँसो गोली चलाएको हो ।गोली चलाएर प्रहरीले एक जनालाई नियन्त्रणमा लिएको छ ।

गोली लागेर घाइते भएका ४५ वर्षीय अविनाश राईलाई उपचारका लागि ट्रमा सेन्टर लगिएको अपराध अनुसन्धान कार्यालयका प्रवक्ता एसपी रवीन्द्र रेग्मीले जानकारी दिए।

राई उदयपुरका हुन् । प्रहरीमाथि आक्रमण गरेपछि उनीमाथि गोली चलाउनुपरेको प्रवक्ता रेग्मीले बताए ।राईको खुट्टामा गोली लागेको बताइएको छ । उनकाे साथबाट पेस्तोल र आइस ड्रग बरामद भएको प्रहरीले जनाएको छ ।