एजेन्सी। पाकिस्तानको उत्तरपश्चिमी खैबर पख्तुनख्वा प्रान्तमा शुक्रबार पोलियो उन्मूलन टोलीमाथि भएको आक्रमणमा एकजना प्रहरी र एकजना आतङ्ककारीको मृत्यु भएको प्रहरीले जनाएको छ ।
घटना प्रान्तको खबर जिल्लामा भएको हो । बच्चाहरूलाई पोलियो थोपा खुवाउन घरदैलो अभियानमा भाग लिएर फर्किने क्रममा आतङ्ककारीहरूले सो टोलीलाई निशाना बनाएको प्रहरीले जनाएको छ ।
प्रहरीको विज्ञप्ति अनुसार प्रहरीको जवाफी कारबाहीमा आतङ्ककारीको मृत्यु भएको हो । फरार अपराधीहरूलाई पक्राउ गर्न सो क्षेत्रमा खोजी कार्य जारी रहेको प्रहरीले जनाएको छ ।
पोलियो टोली सुरक्षित रहेको छ भने बालबालिकालाई पोलियो खोप खुवाउने अभियान अर्को सूचना नआएसम्मका लागि स्थगित गरिएको छ ।अनुसन्धानका लागि प्रहरीले उक्त क्षेत्रलाई घेराबन्दी गरेको छ । अहिलेसम्म कुनै पनि समूहले आक्रमणको जिम्मेवारी लिएको छैन ।
प्रतिक्रिया दिनुहोस
सफल खबर संवाददाता
शनिबार, १६ मंसिर २०८०, १२ : ५०
लेखकबाट थप
सम्बन्धित समाचारहरु
अपराधिक गतिविधिमा संलग्न भारतीय नागरिक पक्राउ, भाग्न खोज्दा प्रहरीद्वारा गोली प्रहार
सलमान खानको घरबाहिर चल्यो गोली, अनुसन्धान जारी
सिड्नीको सपिङ मलमा चक्कु र गोली प्रहार
सुनसरीको भुटाहामा झडप नियन्त्रण गर्न प्रहरीले चलायो गोली
डाँका पक्रन प्रहरीले चलायो गोली, २ जना पक्राउ
मनी ट्रान्सफरका सञ्चालकमाथि गोली चलाउने कार्यमा संलग्न तीन जना पक्राउ