विराटनगर। कोशी प्रदेशमा दशैंको एक हप्तामा १३५ वटा सवारी दुर्घटना भएका छन् । दुर्घटनामा १६ जनाको मृत्यु भएको प्रहरीले जनाएको छ ।कार्तिक ५ गते फूलपातीदेखि ११ गतेसम्म एक हप्तामा १६ जनाको मृत्यु भएको नेपाल प्रहरी राष्ट्रिय सुरक्षा तथा ट्राफिक व्यवस्थापन कार्यालय, इटहरीले जनाएको हो ।
दुर्घटनाबाट ४१ जना गम्भीर घाइते र २२४ जना सामान्य घाइते भएको ट्राफिक व्यवस्थापन कार्यालय इटहरीका प्रमुख एसपी सरोज पौडेलले जानकारी दिए । दशैंमा ६ हजार ६२८ वटा सवारीसाधनलाई कारबाही गरिएको उनले बताए । कारबाही गरिएका सवारीसाधनबाट ४४ लाख १४ हजार ५ सय रुपैयाँ राजस्व संकलन भएको बताइएको छ ।
अघिल्लो आर्थिक वर्षको तुलनामा यस आर्थिक वर्षमा सवारी दुर्घटनाको संख्यामा कमी आएको छ । आव २०७९÷०८० मा १८० वटा सवारी दुर्घटनामा परी १६ जनाको मृत्यु भएको थियो भने ४८ जना गम्भीर घाइते र २२६ जना सामान्य घाइते भएको प्रहरीको अभिलेखमा देखिन्छ ।
अघिल्लो आवमा दुर्घटनामा कमी आएपछि मृत्यु हुने संख्या अघिल्लो र चालु आर्थिक वर्षमा बराबरी रहेको छ ।
प्रतिक्रिया दिनुहोस
सफल खबर संवाददाता
शनिबार, ११ कार्तिक २०८०, १६ : २४
लेखकबाट थप
सम्बन्धित समाचारहरु
कोशीका मुख्य न्यायाधिवक्तालाई कारवाही गर्ने एमाले-माओवादीको चेतावनी
कोशीका मुख्यमन्त्री कार्कीलाई कारबाही गर्ने गठबन्धनको चेतावनी
कोशी प्रदेशका जिल्लामा अत्याधिक गर्मी, जनजीवन प्रभावित
म संविधानभन्दा एक इन्च पर जान्नँ, संकल्प प्रस्ताव फिर्ता लिनुस् : मुख्यमन्त्री कार्की
कोशी प्रदेश सभाबाट संकल्प प्रस्ताव बहुमतले पारित
कोशीको मुख्यमन्त्रीलाई ३० दिनभित्र विश्वासको मत लिन राजेन्द्र राईको सुझाव