गाडीमा स्कुटर ठोक्किँदा एक किशोरको मृत्यु, अर्का घाइते

काठमाडौ । काभ्रेको पनौतिमा रोकिराखेको बोलेरो गाडीमा स्कुटर ठोक्किँदा एक किशोरको मृत्यु भएको छ। दुर्घटनामा अर्का किशोर घाइते भएका छन्।

मंगलबार राति पनौती नगरपालिका(१० दाहालटारस्थित सडकमा रोकिराखेको बा ७ च ६२७७ नम्बरको बोलेरोमा बा ६५ प ७१३९ नम्बरको स्कुटर ठोक्किँदा सोही ठाउँमा १६ वर्षीय इरोज ताम्राकारको मृत्यु भएको प्रहरीले जनाएको छ। 

स्कुटरको पछाडि सवार सोही ठाउँका १७ वर्षीय सुबोध श्रेष्ठ घाइते भएका छन्। उनको धुलिखेल अस्पतालमा उपचार भइरहेको जिल्ला प्रहरी कार्यालय काभ्रेले जनाएको छ।