संसदीय समितिका सभापतिले लिए शपथ

पोखरा । गण्डकी प्रदेशसभा अन्तर्गत संसदीय समितिका सभापतिहरूले शपथ लिएका छन् । सभामुख कृष्ण धितालले सबैलाई शपथ गराएका हुन् ।शनिवार समितिको सभापतिको मनोनयन भएकोमा सबै समितिमा एक–एक जनाको मनोनयन दर्ता भएपछि सर्वसम्मत नेतृत्व चयन भएको हो । 

अर्थ तथा विकास समितिमा कांग्रेसका भोजराज अर्याल, प्रदेश मामिला तथा कानुन समितिमा कांग्रेसकै चम्पादेवी खड्का, सामाजिक विकास तथा कृषि समितिमा माओवादीका फडिन्द्र देवकोटा र सार्वजनिक लेखा समितिमा एमालेका सुधीरकुमार पौडेल सभापति चुनिएका छन् ।