पहिरोले कालीगण्डकी करिडोर अवरुद्ध

सफल खबर संवाददाता

विहीबार, ११ असोज २०८०, १६ : ३७
पहिरोले कालीगण्डकी करिडोर अवरुद्ध

काठमाडौँ। गुल्मी जिल्लाको कालीगण्डकी करिडोरमा ठूलो चट्टान सहितको पहिरो खसेपछि सडक अवरुद्ध भएको छ ।

करिडोरको रिडी रुद्धवेनी सडकखण्डको रुरुक्षेत्र गाउँपालिका वडा नम्बर-१ विष्णुपञ्चरमा बुधबार राति सडक माथिबाट ठूलो चट्टानसहितको पहिरो खस्दा सडक अवरुद्ध भएको जिल्ला प्रहरी कार्यालय गुल्मीले जनाएको छ ।

सडक खुलाउनका लागि हेभी इक्युमेन्टका डोजरहरू प्रयोग गरिएको छ । करिडोर अवरुद्ध हुँदा लामो तथा छोटो दूरीका सवारी साधन र यात्रु अलपत्र परेका छन् । रिडी, रुद्धवेनी हर्मिचौर सडक खण्डको सडक कालोपत्रे गर्नका लागि शर्मा सगुन जेभीले काम गरिरहेको छ ।