राज्यले उद्यमी महिलाहरूलाई अभिप्रेरित गर्नु पर्छ : अर्थमन्त्री महत

काठमाडौँ । अर्थमन्त्री डा. प्रकाश शरण महतले राज्यले उद्यमी महिलाहरूलाई अभिप्रेरित गर्नु पर्ने बताएका छन् । शुक्रबार काठमाडौंमा आयोजित (महिला उद्यमशीलता विकास तथा हरित अर्थतन्त्रमा) अन्तरक्रिया कार्यक्रममा अर्थमन्त्री महतले महिलाहरूको आत्मविश्वासलाई बढाएर लानु पर्ने बताए ।

उनले भने ‘राज्यले यसलाई प्राथमिकताका साथ अभिप्रेरित गर्नु पर्छ । महिलाहरूको निरन्तर सम्पूर्णका साथ लागिरहने स्वभाव हुन्छ । त्यो कारणले पनि यो सफल हुन्छ । उद्यमी महिला दिदीबहिनीहरूलाई अगाडि बढाउनु पर्छ । सरकारले सम्पूर्ण रूपमा यो सफल गर्न सहयोग हुन्छ । ’मन्त्री महतले हरेक क्षेत्रमा महिलाको उत्तरदायी भूमिका रहेको भन्दै सिपको विकासमा जोड दिन आवश्यक रहेको बताएका छन् ।

महिलाहरूलाई आवश्यक परेको खण्डमा सहयोग गर्न सरकार तत्पर रहेको उनको भनाइ थियो ।