युक्रेनको रक्तसंचार केन्द्र तथा विश्वविद्यालयमा रुसी आक्रमण

एजेन्सी । साउदी अरबमा रुस–युक्रेन युद्ध अन्त्यका लागि ४० देशका प्रतिनिधिहरु छलफलमा जुटिरहेको बेला रुसले युक्रेनको रक्तसंचार केन्द्र र विश्वविद्यालयमा क्षेप्यास्त्र आक्रमण गरेको छ ।

युक्रेनले कृष्णसागरमा रहेको रुसी ट्यांकरमा ड्रोन हमला गरेलगत्तै रुसी सेनाले शनिबार राती युक्रेनको खार्किब क्षेत्रको कुपियाङ्क्समा रहेको रक्तसंचार केन्द्र र विश्वविद्यालय परिसरमा क्षेप्यास्त्र प्रहार गरेको हो ।

रुसी आक्रमणबाट के कति क्षति भयो भन्ने खुलाइएको छैन । क्षेप्यास्त्र आक्रमणबाट विश्वविद्यालय भवनमा आगो लागेको छ । युक्रेनी राष्ट्रपति भोलोडिमिर जेलेन्स्कीले रक्तसंचार केन्द्रमाथिको आक्रमणलाई युद्ध अपराध भनेका छन।