काठमाडौँ । नेपाल एयरलाइन्स (नेपाल वायुसेवा निगम) ले कर्मचारी सञ्चय कोष र नागरिक लगानी कोषलाई तिर्नुपर्ने ऋण दायित्वको ३ करोड ९ लाख ५५ हजार २१ रुपैयाँ भुक्तानी गरेको छ ।
एयरलाइन्सले अन्तर्राष्ट्रिय उडानको लागि खरिद गरेका दुई न्यारोबडी र दुई वाइडबडी जहाजको लागि लिएको ऋण दायित्वको आषाढ महिनाको किस्ताबापतको सो रकम भुक्तानी गरेको हो ।
यस अघि निगमले २०७९ साल आसारदेखि चैतसम्ममा २ अर्व ९४ करोड २८ लाख ६५ हजार ८४४ रुपैयाँ किस्ता रकम भुक्तानी गरेको प्रवक्ता रमेश पौडेलले जानकारी दिए । वर्तमान नेतृत्वले जिम्मेवारी सम्हालेपश्चात निगमको व्यापार विस्तार तथा आम्दानीमा विगत वर्षमा भन्दा सुधार हुँदै गएको उनको भनाइ छ । नियमित तथा आकस्मिक रुपमा हुने जहाज मर्मत सम्भार खर्च र प्रशासनिक खर्च व्यहोरेर नगद प्रवाहमा समेत सुधार गर्दै लगिएको पौडेलले बताए । निगमले विभिन्न निकायहरुमा रहेका पुराना वक्यौता रकम तिरेको छ भने कर्मचारी सञ्चय कोष र नागरिक लगानी कोषलाई समेत किस्ता तिर्दै आइरहेको छ ।
यसका अतिरिक्त तत्कालीन आवश्यकतालाई मध्यनजर गर्दै दुर्गम क्षेत्रमा उडान भर्ने ३ वटा साना जहाज आफ्नै आन्तरिक स्रोतबाट नियमानुसार प्रक्रिया पूरा गरि निर्माता कम्पनीसँग खरीद गर्ने कार्ययोजना समेत तिव्र गतिमा अघि वढाइएको पौडेलले बताए ।
नयाँ ३ वटा जहाज खरीद गरेपश्चात नेपालका दुर्गम क्षेत्रमा अझै धेरै यात्रुहरुलाई सेवा दिन सकिने निगमको भनाइ छ । साथसाथै पर्यटन प्रबद्र्धन हुने, भाडा दरमा सन्तुलन कायम हुने र समग्रसेवा नै प्रभावकारी हुने एयरलाइन्सको विश्वास छ ,
प्रतिक्रिया दिनुहोस
सफल खबर संवाददाता
सोमबार, ०१ साउन २०८०, १६ : ३०
लेखकबाट थप
सम्बन्धित समाचारहरु
रेसुङ्गा विमानस्थलबाट आजदेखि सातामा तीन उडान हुने
नेपाल एयरलाइन्सले सिमकोट-सुर्खेत परीक्षण उडान भर्ने
नेपाल वायुसेवा निगमले सुर्खेतबाट उडान गर्ने
घाटा बढ्दै गएपछि चिनियाँ जहाज बेच्दै नेपाल एयरलाइन्स
नेपाल एयरलाइन्सको वार्षिक आम्दानी २२ अर्ब २४ करोड
अपाङ्गता भएका व्यक्तिलाई नेपाल एयरलाइन्सको आन्तरिक उडानमा ५० प्रतिशत छुट