बारामा १०५ किलो लागूऔषध गाँजासहित ट्रक नियन्त्रणमा

काठमाडौँ । बारामा १०५ किलो लागूऔषध गाँजासहित ट्रक नियन्त्रणमा  लिइएको छ । जिल्ला प्रहरी कार्यालय बाराले मंगलबार बिहान जितपुरसिमरा उपमहानगरपालिका २२ बाट अवैध लागूऔषध गाँजासहित ट्रक नियन्त्रणमा लिएको हो ।  

ना१क ३२०५ नम्बरको ट्रकमा लुकाई छिपाई ल्याउँदै गरेको अवस्थामा प्रहरीले बरामद गरेको हो । पूर्व पश्चिम राजमार्गको चुरिया माई मन्दिर नजिक नालामा पल्टिएको ट्रकमा चेक जाँच गर्दा उक्त गाँजा भेटिएको प्रहरीले जनाएको छ ।

प्रहरीका अनुसार ट्रक चालक र सहचालक फरार रहेका छन् । ट्रक चालकलगायत उक्त घटनामा संलग्न व्यक्तिहरुको खोजी कार्य भइरहेको प्रहरीले जनाएको छ ।