त्रिभुवन अन्तर्राष्ट्रिय विमानस्थलबाट चरेससहित जर्मन नागरिक पक्राउ

सफल खबर संवाददाता

सोमबार, २९ जेठ २०८०, १५ : ०७
त्रिभुवन अन्तर्राष्ट्रिय विमानस्थलबाट चरेससहित जर्मन नागरिक पक्राउ

काठमाडौं । त्रिभुवन अन्तर्राष्ट्रिय विमानस्थलबाट करिब ७ किलोग्राम लागु औषध चरेससहित एक जना पक्राउ परेका छन् ।पक्राउ पर्ने ६३ वर्षीय जर्मन नागरिक पउल वेर्सट रहेका छन् ।

उनलाई विमानस्थल सुरक्षा कार्यालयको टोलीले सोमबार बिहान पक्राउ गरेको हो । टर्किस एयरलाइन्सबाट इस्तानबुल जान लागेका उनलाई पक्राउ गरेर लागु औषध नियन्त्रण ब्यूरोको जिम्मा लगाइएको विमानस्थल सुरक्षा प्रहरीले जनाएको छ ।

प्रहरीका अनुसार उनले बोकेको सुटकेसबाट ६ किलो ८६० ग्राम चरेस बरामद भएको छ । उनले ठूलो सुटकेसभित्र अरु दुईवटा सुटकेस हाली कपडासँगै कालो कार्बनले बेरेर चरेस लैजान लागेका थिए ।

प्रतिक्रिया दिनुहोस